Andeby Online > Nyhende > Harvey-nominasjonar i fleng
8. september delast årets Harvey Awards ut på Baltimore Comic-Con, og ei rekke nominasjonar har i år gått til Disney-seriar. I toppen finn vi Don Rosa med seks nominasjonar og William Van Horn med tre.
Rosa og Van Horn er nominerte i kategorien «Best writer». Der må dei kjempe mot Daredevils Ed Brubaker, All-Star Supermans Grant Morrison Umbras Steve Murphy, og Y: The Last Mans Brian K. Vaughn.
Både Rosa og Van Horn er òg nominerte i kategorien «Best artist», i konkurranse med Mom's Cancers Brian Fries, The Tickings Renee French, Nextwawe: Agents of Hates Stuart Immonen og All-Star Supermans Frank Quietly.
Som om ikkje dette var nok er dessutan både Rosa og Van Horn nominerte i kategorien «Best cartoonist», i hard konkurranse mot namn som Jaime Hernandez (Love & Rockets), Kevin Huizenga (Curses), Bryan Lee O'Malley (Scott Pilgrim & the Infinite Sadness) og Dan Piraro (Bizarro).
I tillegg er både Jon Babcock og Willie Schubert nominerte i kategorien «Best letterer», Susan Daigle-Leach og Scott Rockwell er begge nominerte i kategorien «Best colorist», og Walt Disney's Comics & Stories er nominert i TO kategoriar -- både «Best continuing or limited series» og «Best anthology».
Don Rosa har dessutan hausta nominasjonar i kategoriane «Best cover artist» og «Special award for humor in comics», og hans «The Life and Times of Scrooge McDuck Companion» er nominert til «Special award for excellence in presentation». Totalt har diverse Disney-seriar altså mottatt femten nominasjonar.
Les resten av nominasjonane, og meir om Harvey Awards, på www.harveyawards.org.
Av Olaf Moriarty Solstrand, lagt til onsdag 6. juni 2007
Tilbake til nyheitsoversikta ...
Andeby Online © Solstrand Tekst og Bobler, Vestregata 77, 9008 TROMSØ. Telefon: 957 08 325.
E-post: post@andebyonline.com. Ansvarleg redaktør: Olaf Moriarty Solstrand.
I redaksjonen: William Fuglset, Tommy Kvarsvik og Kristin Cecilia Saue Romundset.
